നിർമ്മാണം നടന്ന് കൊണ്ടിരിക്കുന്ന നേഷണൽ ഹൈവേയുടെ പലഭാഗങ്ങളിലും കനത്ത മഴയും, വെള്ളക്കെട്ട് കാരണം വാഹന ഗതാഗതവും, കാൽനടയാത്ര പോലും ദുസ്സഹമായിരിക്കുകയാണ് പൊയിൽക്കാവ്, ചേമഞ്ചേരി, പൂക്കാട്, തിരുവങ്ങൂർ എന്നിവിടങ്ങളി’ലാണ് രൂക്ഷമായ വെള്ളക്കെട്ടും യാത്രാ ദുരിതവും ഉണ്ടായിരിക്കുന്നത്. മഴ വെള്ളം ഒഴുകിപ്പോകുന്നതിന്ന് നേരത്തെ ഉണ്ടായിരുന്ന പ്രകൃതിദത്തമായ പല നീർച്ചാലുകളും അടഞ്ഞതോ, ഇല്ലാതായതോ ആണ് പ്രശ്നം ഗുരുതരമാക്കിയത്. ഇത് കാരണം ഇടക്കിടെ ദീർഘനേരം ഗതാഗതക്കുരുക്കും ഉണ്ടായിക്കൊണ്ടിരിക്കുകയാണ്. ഇതിന് പരിഹാരം ഉണ്ടാക്കുന്നതിന് നേഷണൽ ഹൈവേ അധികൃതരുടെയും, നിർമ്മാണക്കമ്പനിയുടേയും അടിയന്തിര ശ്രദ്ധ ഉണ്ടാകണമെന്ന് കൊയിലാണ്ടി ബ്ലോക്ക് കോൺഗ്രസ്സ് കമ്മിറ്റി പ്രസിഡണ്ട് മുരളീധരൻ തൊറോത്ത് ആവശ്യപ്പെട്ടു.
