കൊയിലാണ്ടി: മരം പൊട്ടി വീണ് ഗതാഗതം തടസ്സപ്പെട്ടു. ഇന്ന് രാവിലെ 9 മണിയോടെ കൂടിയാണ് കൊയിലാണ്ടി കൊല്ലംചിറക്ക് സമീപം 4 o clock ഹോട്ടലിനു മുൻപിൽ മരത്തിൻറെ കൊമ്പ് പൊട്ടി റോഡിലേക്ക് വീണത്. വിവരം കിട്ടിയതിനെ തുടർന്ന് കൊയിലാണ്ടിയിൽ നിന്ന് അഗ്നിരക്ഷാസേന എത്തുകയും എഫ് ആർ ഒ ബബീഷ് പി എം മരത്തിൻറെ മുകളിൽ കയറുകയും സേനാംഗങ്ങളുടെ സഹായത്തോടുകൂടി മരക്കൊമ്പ് മുറിച്ചുമാറ്റി ഗതാഗതം പുനഃസ്ഥാപിക്കുകയും ചെയ്തു.
ഗ്രേഡ് എ എസ് ടി ഓ മജീദ് എമ്മിനെ നേതൃത്വത്തിൽ ഫയർ ആൻഡ് റെസ്ക്യൂ ഓഫീസർമാരായ ഇർഷാദ് പികെ,നിധി പ്രസാദ് ഇഎം, ബബീഷ് പി എം ,റഷീദ് കെ പി, ഹോം ഗാർഡ് പ്രദീപ് എന്നിവർ മരം മുറിക്കുന്നതിൽ ഏർപ്പെട്ടു.
