ചേമഞ്ചേരി: ചേമഞ്ചേരി ഗ്രാമപഞ്ചായത്ത് മുൻപ്രസിഡണ്ടും, കോൺഗ്രസ്സ് നേതാവും ചേമഞ്ചേരി യുപിസ്കൂൾ മുൻ പ്രധാന അധ്യാപകനും പൂക്കാട് കലാലയം മുൻ ജനറൽ സിക്രട്ടറിയുമായിരുന്ന ഇ.ശ്രീധരൻ മാസ്റ്റുടെ രണ്ടാം ചരമവാർഷികം ആചരിച്ചു. കാലത്ത് ഒമ്പത് മണിക്ക് മാസ്റ്ററുടെ വസതിയായ ശ്രീരാജിൽ ഛായാപടത്തിന് മുൻപിൽ കോൺഗ്രസ്സ് പ്രവർത്തകരും പൂക്കാട് കലാലയം ഭാരവാഹികളും ഒത്തുചേർന്ന് പുഷ്പാർച്ചന നടത്തി.
തുടർന്ന് മഹാത്മാ കാരുണ്യ വേദിയിൽ വെച്ച് മാടഞ്ചേരി സത്യനാഥന്റെ അധ്യക്ഷതയിൽ നടന്ന അനുസ്മരണ സമ്മേളനം ഡി.സിസി പ്രസിഡണ്ട് അഡ്വ: കെ പ്രവീൺ കുമാർ ഉദ്ഘാടനം ചെയ്തു. ശ്രീ സി.വി ബാലകൃഷ്ണൻ, എൻ.കെ കെ മാരാർ, മനത്താനത്ത് ഗോവിന്ദൻകുട്ടി, വത്സല പുല്ല്യത്ത്, പ്രജിത ഉപ്പശ്ശൻ കണ്ടി, എം.ഒ ഗോപാലൻ മാസ്റ്റർ, വാഴയിൽ ശിവദാസ്, കെ.വി രാജൻ തുടങ്ങിയവർ സംസാരിച്ചു. ശ്രീസത്യൻ ചാത്തനാടത്ത് സ്വാഗതം പറഞ ചടങ്ങിൽ ശ്രീ ശ്രീകുമാർ ഒറവങ്കര നന്ദി പ്രകാശിപ്പിച്ചു.
