മേപ്പയ്യൂർ: പുരോഗമന കലാസാഹിത്യസംഘം മേപ്പയ്യൂർ റോസ്ന ചോലയിൽ രചിച്ച ഓർമ്മകൾ നനയുമ്പോൾ എന്ന കവിതാ സമാഹാരം ഡോ.സോമൻ കടലൂർ പ്രകാശനം ചെയ്തു. ചന്ദ്രശേഖരൻ തിക്കോടി പുസ്തകം ഏറ്റുവാങ്ങി. ജില്ലാ കമ്മിറ്റി അംഗം കെ.രതീഷ് അധ്യക്ഷനായിരുന്നു. ഗ്രാമപഞ്ചായത്ത് പ്രസിഡന്റ് കെ.ടി.രാജൻ മുഖ്യാതിഥിയായിരുന്നു. സുരേഷ് കൽപ്പത്തൂർ, എൻ.കെ.ചന്ദ്രൻ, എ.എം.കുഞ്ഞിരാമൻ, രാഗേഷ് പുല്ലാട്ട്, റോസ്ന ചോലയിൽ എന്നിവർ സംസാരിച്ചു. കവിസമ്മേളനത്തിൽ ലതീഷ് നടുക്കണ്ടി, ബിജു കൊട്ടാരക്കര, ഉഷാ ഹരിദാസ്, കെ.കെ.രാരിച്ചൻ, സി.ഗോപാലൻ എന്നിവർ കവിതകൾ അവതരിപ്പിച്ചു. കൺവീനർ രാമദാസ് നാഗപ്പള്ളി സ്വാഗതവും പി.കെ.ഷിംജിത്ത് നന്ദിയും പറഞ്ഞു.
