കൊയിലാണ്ടി : നാലാം വാർഡ് മാരിഗോൾഡ് കൃഷിക്കൂട്ടം ചെണ്ടുമല്ലി കൃഷിക്കു ശേഷം നിലക്കടല കൃഷിയിലൂടെ വീണ്ടും അത്ഭുതം സൃഷ്ടിച്ചിരിക്കയാണ്.
കഴിഞ്ഞ സീസണിൽ അവതരിപ്പിച്ച ചെണ്ടുമല്ലി കൃഷി നാടാകെ സുഗന്ധം പരത്തി പെരുമ കൈവരിച്ചിരുന്നു.ഈ കൃഷിയിടത്തിൽ ഈ പ്രാവശ്യം നിലക്കടലയാണ് വിത്തിറക്കിയത്.
ഈ നിലക്കടല കൃഷിയുടെ വിളവെടുപ്പ് ഉദ്ഘാടനം മെയ് 6 ന് തിങ്കളാഴ്ച 3 മണിക്ക് ഉത്സവാന്തരീക്ഷത്തിൽ നഗരസഭാ ചെയർപേഴ്സൺ ശ്രീമതി സുധകിഴക്കെപ്പാട്ട് നിർവ്വഹിക്കുന്നു. ശ്രീമതി ഇന്ദിരടീച്ചർ അധ്യക്ഷത വഹിക്കുന്നു ആദ്യവിൽപ്പന വൈസ് ചെയർമാൻ അഡ്വ.കെ. സത്യൻ നിർവ്വഹിക്കുന്നു. കൃഷി ഓഫീസർ ശ്രീമതി പി.വിദ്യ പദ്ധതി വിശദീകരിക്കുന്നു.
എം കെ ലിനീഷ്, പുഷ്പ പ്രകാശ് ,ബീന രമേശ്, ജിതു രനീഷ്, ബിന്ദു സത്യൻ, അജിത ചന്ദ്രൻ ശ്രീജ രവി, രാധ നാരായണൻ തുടങ്ങി എട്ടു പേരടങ്ങിയ ടീമാണ് മാരിഗോൾഡ് കൃഷിക്കൂട്ടത്തിന് നേതൃത്വം നൽകുന്നത്.
