അശ്വതി: പഠിക്കുന്നവര്‍ക്ക് നല്ല കാലമാണ്. ഗൃഹം മോടി പിടിപ്പിക്കാന്‍ നല്ല സമയം. കേസില്‍ ജയിക്കും. കൃഷിക്കാര്‍ക്കു നല്ല ആദായം കിട്ടും,ദോഷ ശാന്തിയ്ക്ക് ശിവനെ നന്നായി പ്രാര്‍ത്ഥിക്കുക.
ഭരണി: ബന്ധുജനങ്ങളുടെ വിവാഹത്തിന് ചേരാന്‍ സാധ്യത. ദാമ്പത്യ ജീവിതത്തില്‍ അസ്വാരസ്യം ഉണ്ടാകാതെ ശ്രദ്ധിക്കണം. ഷെയര്‍ ബിസിനസ്സുകള്‍ തുടങ്ങും. മുരുക ക്ഷേത്ര ദര്‍ശനവും പ്രാര്‍ത്ഥനയും വേണം.
കാര്‍ത്തിക: കള്ളന്മാരുടെ ശല്യം ഉണ്ടാകും, കാര്യ പരാജയ സാധ്യത, ജോലിയില്‍ സ്ഥലം മാറ്റം ഉണ്ടാകും. വീരഭദ്രനെ പ്രാര്‍ത്ഥിക്കുക.
രോഹിണി: വിദ്യാര്‍ത്ഥികള്‍ക്ക് നല്ല കാലം, ബന്ധുക്കളുടെ ആനുകൂല്യം ഉണ്ടാകും, വീട് മോടി പിടിപ്പിക്കാന്‍ അവസരം ഉണ്ടാകും. ദുര്‍ഗ്ഗാ ക്ഷേത്ര ദര്‍ശനം, പ്രാര്‍ത്ഥന.
മകീര്യം : പൂര്‍വിക സ്വത്ത് ലഭിക്കും, ദൂര യാത്രകള്‍ ഗുണം ചെയ്യും, കൂട്ടായ പ്രവര്‍ത്തനങ്ങളില്‍ ഏര്‍പ്പെടും. കാലഭൈരവനെ ഭജിക്കുക.
തിരുവാതിര: രോഗശമനം ഉണ്ടാവും, തീര്‍ത്ഥയാത്രയ്ക്ക് സാധ്യത, പുതിയ വാഹനം വാങ്ങും. മഹാലക്ഷ്മിയെ ധ്യാനിക്കുക.
പുണര്‍തം : വിവാഹത്തിനായി അലയേണ്ടി വരും, ധനചെലവ്, സുഹൃത്തുക്കളുടെ കൂടെ സമയം ചെലവഴിക്കും. അയ്യപ്പ ക്ഷേത്ര ദര്‍ശനം,ഭജന.
പൂയം : തീര്‍ത്ഥയാത്ര ചെയ്യും, രോഗശമനം ഉണ്ടാകും, നഷ്ടപ്പെട്ട പണം തിരിച്ചു കിട്ടും. ദോഷ ശാന്തിയ്ക്ക് കറുപ്പസ്വാമിയെ ഭജിക്കുക.
ആയില്യം : ബന്ധു ജനങ്ങളുടെ വേര്‍പാടിന് സാധ്യത, രോഗികളെ ശുശ്രൂഷിക്കാന്‍ സമയം ചെലവഴിക്കേണ്ടി വരും, ആശുപത്രി വാസം, പാഴ് ചെലവിന് സാധ്യത, ധന സംബന്ധമായ കാര്യങ്ങളില്‍ കരുതല്‍ വേണം, നാഗകാളി പ്രാര്‍ത്ഥന.
മകം: സ്ഥലം എക്‌സ്‌ചേഞ്ച് ചെയ്യും, ഗൃഹത്തിലേക്ക് പുതിയ സാധനങ്ങള്‍ വാങ്ങും. ദൂരയാത്ര ചെയ്യും. ഹനുമാന്‍ ഭജന.
പൂരം: അമ്മയ്ക്ക് അസുഖങ്ങള്‍ ഉണ്ടാവാന്‍ സാധ്യതയുണ്ട്. യാത്രാദുരിതം ഏര്‍പ്പെടും പുതിയ ബിസിനസ് ചെയ്യും. ശ്രീരാമ ക്ഷേത്ര ദര്‍ശനം.
ഉത്രം: രോഗശമനം ഉണ്ടാകും പുതിയ നാല്‍ക്കാലികളെ വാങ്ങും , ആകസ്മികമായ ധനം വരവുണ്ടാകും. വിദ്യാഭ്യാസ കാര്യത്തില്‍ മൂഡത. കരിയാത്തന്‍ ക്ഷേത്ര ദര്‍ശനം.
അത്തം: തീര്‍ത്ഥയാത്ര ഉണ്ടാകും, കൃഷിയില്‍ ആദായം കിട്ടും, കേസില്‍ ജയിക്കും പിണങ്ങി നില്‍ക്കുന്നവര്‍ ഇണങ്ങും. വീടും സ്ഥലവും വാങ്ങാന്‍ സാധ്യത, കുട്ടിച്ചാത്തനെ ഭജിക്കുക.
ചിത്തിര: പരീക്ഷയില്‍ ജയിക്കും, സന്താനങ്ങള്‍ ഉണ്ടാകാനുളള സമയമാണ്. പ്രശസ്തി, ധനലാഭം ഉണ്ടാകും.ചാമുണ്ഡി ക്ഷേത്ര ദര്‍ശനം,പ്രാര്‍ത്ഥന.
ചോതി: ജോലി സംബന്ധിച്ച് പ്രശ്നങ്ങളുണ്ടാകും, സ്ഥലം മാറ്റം, യാത്രാദുരിതം, നിധി ലാഭം. ചോതി നക്ഷത്രക്കാര്‍ക്ക് പതിനഞ്ചാം തീയതി മുതല്‍ അനുകൂല ഗുണങ്ങള്‍ ഉണ്ടാകും, ധനലാഭം, തലച്ചില്ലോന്‍ ക്ഷേത്ര ദര്‍ശനം.
വിശാഖം : കേസില്‍ തോല്‍വിയ്ക്ക് സാധ്യത, സ്ഥലം മാറ്റം ഉണ്ടാകും, രോഗശമനം. ഭദ്രകാളി ക്ഷേത്ര ദര്‍ശനം.
അനിഴം : പുതിയ വാഹനം വാങ്ങും, ലഹരി ഉപയോഗം ഒഴിവാക്കണം, പഠിപ്പ് മുടങ്ങും.
തൃക്കേട്ട: തീര്‍ത്ഥയാത്ര ഉണ്ടാകും, യാത്രാദുരിതം ഉണ്ടാകും, പുതിയ വാഹനം ലഭിക്കും, ശ്രീകൃഷ്ണ ക്ഷേത്രം ദര്‍ശനം, വിശേഷിച്ച് ഗുരുവായൂര്‍ ക്ഷേത്ര ദര്‍ശനം പതിവാക്കുക.
മൂലം : നല്ല സ്ഥാനം ലഭിക്കും ,അവിചാരിത ധനം വരവ്, വിവാഹത്തിന് ശ്രമം ഊര്‍ജ്ജിതമാകും. ഭുവനേശ്വരി ഭജന.
പൂരാടം : പരീക്ഷയില്‍ ജയിക്കും പൂര്‍വിക സ്വത്ത് ലഭിക്കും. വീഴ്ച പറ്റുന്നത് ശ്രദ്ധിക്കുക. മൂകാംബിക ക്ഷേത്ര ദര്‍ശനം, ദേവി സഹസ്രനാമം പാരായണം.
ഉത്രാടം: ബന്ധുക്കളുടെ ആനുകൂല്യം ഉണ്ടാകും. ഗൃഹം മോടി പിടിപ്പിക്കാന്‍ അവസരം ഉണ്ടാകും. പൂര്‍വിക സ്വത്ത് ലഭിക്കും ,കാളി ക്ഷേത്ര ദര്‍ശനം.
തിരുവോണം : പണ ചിലവ് കൂടും. വേണ്ടപ്പെട്ടവരുടെ വേര്‍പാട്. വാഹനം മാറ്റിയെടുക്കാന്‍ നല്ല സാഹചര്യം ഉണ്ടാകും, വനദുര്‍ഗ്ഗാ ക്ഷേത്ര ദര്‍ശനം.
അവിട്ടം: വിവാഹത്തിന് കാലതാമസം. പരീക്ഷയില്‍ തോല്‍വി, സുഹൃത്തുക്കള്‍ സഹായിക്കും, ദോഷ പരിഹാരത്തിന് വെങ്കിടേശ്വരനെ ഭജിക്കുക,തിരുപ്പതി ക്ഷേത്ര ദര്‍ശനം.
ചതയം : അപവാദങ്ങള്‍ ഉണ്ടാകും. പണച്ചിലവ് ഉണ്ടാകും. ജോലിയില്‍ പ്രശ്‌നങ്ങള്‍ ഉണ്ടാകും. വീട് വിട്ട് താമസിക്കേണ്ടിവരും, ഗണപതി ക്ഷേത്ര ദര്‍ശനം.
പൂരുരുട്ടാതി: കടം വീട്ടാന്‍ ശ്രമിച്ചു കൊണ്ടിരിക്കുന്നു. ചെറിയ കേസുകള്‍ വന്നുകൊണ്ടിരിക്കും. ജോലിസ്ഥലത്ത് പണിക്കാര്‍ നില്‍ക്കാതിരിക്കുക,നാഗപ്രീതി വരുത്തുക. നാഗ ക്ഷേത്ര ദര്‍ശനം.
ഉത്രട്ടാതി: പരീക്ഷയില്‍ ജയിക്കാന്‍ ശ്രമിക്കണം. ലഹരി ഉപയോഗം കുറയ്ക്കണം. ധനനഷ്ടം വരും. താമസ സൗകര്യം മെച്ചപ്പെടുത്തും, ശനി ദേവനെ എപ്പോഴും സ്മരിക്കുക.
രേവതി: പ്രശ്‌നങ്ങള്‍ കൂടിക്കൊണ്ടിരിക്കും. മനസ്സമാധാനം കുറയും. പണം ധാരാളം ചെലവഴിക്കും ലോണ്‍ എടുക്കാന്‍ ഇടവരും. ശാസ്താവിനെ ഭജിക്കുക,ശാസ്താ ക്ഷേത്ര ദര്‍ശനം.
തയ്യാറാക്കിയത് വിജയന്‍ ജ്യോത്സ്യര്‍
