ഊട്ടി സീസൺ തുടങ്ങിയതോടെ ഊട്ടിയിലേക്കു ഗതാഗത നിയന്ത്രണം.ഞായറാഴ്ച കൂടാതെ മേയ് ഒന്ന് മുതൽ 31 വരെയാണു നിയന്ത്രണം. ഇതനുസരിച്ചു മേട്ടുപ്പാളയത്തു നിന്ന് ഊട്ടിയിലേക്കു ബർളിയാർ, കൂനൂർ വഴിയും തിരികെ മേട്ടുപ്പാളയത്തേക്കു കോത്തഗിരി വഴിയുമാണ് വാഹനങ്ങൾ പോകേണ്ടത്.
ലോറി, ട്രക്ക് മുതലായവ യ്ക്ക് ഈ റൂട്ടിൽ പകൽ സമയത്ത് യാത്രാനുമതിയില്ല. രാത്രി എട്ടിനു ശേഷമേ ഇത്തരം വാഹനങ്ങൾ ഈ വഴിയിലൂടെ പോകാവൂ. ബസ്, വാൻ മുതലായവ കൂ നൂർ റോഡിലെ ആവിൻ മൈതാനിയിലാണു പാർക്ക് ചെയ്യേണ്ടത്. ഗൂഡല്ലൂർ ഭാഗത്തു നിന്നു വരുന്ന വലിയ വാഹനങ്ങൾ എച്ച്.പി.എഫിനു സമീപമുള്ള ഗോൾഫ് ലിങ്ക് റോഡിലാണു നിർത്തേണ്ടത്.
