എന്ത് കള്ളകഥ പ്രചരിപ്പിച്ചാലും വടകര യുഡിഎഫ് തന്നെ നിലനിർത്തും: സാദിഖ് അലി ശിഹാബ് തങ്ങൾ

കൊയിലാണ്ടി: പാർലമെൻറ് തിരഞ്ഞെടുപ്പിൽ വടകര മണ്ഡലത്തിൽ എൽ ഡി എഫ് സ്ഥാനാർത്ഥി പരാജയപ്പെടുമെന്ന് ഉറപ്പായപ്പോൾ കള്ള പ്രചരണങ്ങൾ അഴിച്ചുവിട്ട് ജനങ്ങളെ തെറ്റിദ്ധരിപ്പിച്ച് വിജയിച്ചു കളയാമെന്നുള്ളത് എൽ ഡി എഫിൻ്റെ വ്യാമോഹമാണെന്നും എന്ത് കള്ള കഥകൾ മെനഞ്ഞുണ്ടാക്കിയാലും വടകര പാർലമെൻ്റ് മണ്ഡലത്തിൽ യു.ഡി.എഫ് സ്ഥാനാർത്ഥി ഷാഫി പറമ്പിൽ വൻ ഭൂരിപക്ഷത്തിൽ വിജയിക്കുമെന്നും മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖ് അലി ശിഹാബ് തങ്ങൾ പറഞ്ഞു.

കൊയിലാണ്ടി ടൗൺ ഹാളിൽ യുഡിഎഫ് കുടുംബ സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ധേഹം.യു ഡി.എഫ് നിയോജക മണ്ഡലം ചെയർമാൻ മഠത്തിൽ അബ്ദുറഹ്മാൻ അദ്ധ്യക്ഷനായി.
മുസ്ലിം ലീഗ് ജില്ലാ പ്രസിഡണ്ട് എം എ റസാഖ് മാസ്റ്റർ, ജനറൽ സെക്രട്ടറി ടി ടി ഇസ്മയിൽ, ഡിസിസി പ്രസിഡണ്ട് കെ.പ്രവീൺ കുമാർ, പാറക്കൽ അബ്ദുള്ള, അഹമ്മദ് പുന്നക്കൽ, മിസ് ഹബ് കീഴരിയൂർ ,കെ.കെ.നവാസ്, വി.പി.ഇബ്രാഹിംകുട്ടി, സി.ഹനീഫ, സമദ് പൂക്കാട്, മoത്തിൽ നാണു മാസ്റ്റർ, പി.രത്ന വല്ലി , മുരളി തോ റോത്ത്, കെ.കെ.റിയാസ്, ഫാസിൽ നടേരി സംസാരിച്ചു.