കൊയിലാണ്ടി: സ്കൂൾ പഠനോപകരണ വിപണിയിൽ വിൽപ്പനയിലും വിലക്കുറവിലും സമാനതകളില്ലാത്ത സംരഭമായി മാറിയ പൊലീസ് സഹകരണ സംഘത്തിന്റെ പന്ത്രണ്ടാമത് സ്കൂള് ബസാര് ഏപ്രില് 18 മുതല് ആരംഭിക്കും. കൊയിലാണ്ടി മിനി സിവില് സ്റ്റേഷന് സമീപം അരയന് കാവ് റോഡിലെ കോഴിക്കോട് റൂറല് ജില്ലാ പോലീസ് കോ-ഓപ്പ് ക്രഡിറ്റ് സൊസൈറ്റി കോണ്ഫറന്സ് ഹാളിലാണ് സ്കൂള് ബസാര് പ്രവര്ത്തിക്കുക. 15 ശതമാനം മുതല് 60 ശതമാനം വരെ ഡിസ്കൗണ്ട് മേളയില് ഉണ്ടാവുമെന്ന് ഭാരവാഹികള് പറഞ്ഞു.
പ്രമുഖ ബ്രാൻഡുകളുടെ നോട്ടുബുക്കുകൾ, സ്കൂൾ ബാഗുകൾ, യൂണിഫോം തുണിത്തരങ്ങൾ, സ്കൂൾ ഷൂസുകൾ, കുടകൾ, ലഞ്ച് ബോക്സ്, പഠനോപകരണങ്ങൾ, തുടങ്ങിയവയുടെ വൈവിധ്യമാർന്ന ശേഖരം ഒറ്റക്കുടക്കീഴിൽ ബസാറിലൂടെ ലഭ്യമാകും.
