നടിയെ ആക്രമിച്ച കേസില് കുറ്റക്കാരായ പ്രതികളുടെ ശിക്ഷാവിധിയുടെ വാദത്തിനിടെ നാടകീയ രംഗങ്ങള്. കോടതിയില് രണ്ടാം പ്രതി മാര്ട്ടിന് പൊട്ടിക്കരഞ്ഞു. തെറ്റൊന്നും ചെയ്തിട്ടില്ലെന്നും, നിരപരാധിയാണെന്നും ചെയ്യാത്ത തെറ്റിന്റെ പേരില് അഞ്ചര വര്ഷം ജയിലില് കിടന്നു, താന് ജോലിക്ക് പോയി ലഭിക്കുന്ന പണം കൊണ്ടാണ് വൃദ്ധരായ അച്ഛനും അമ്മയും കഴിയുന്നതെന്നും മാര്ട്ടിന് പറഞ്ഞു.
കോടതിയുടെ അച്ചടക്കം അഭിഭാഷകരും മാധ്യമങ്ങളും പാലിക്കണമെന്ന് കോടതി തുടക്കത്തില് കര്ശന മുന്നറിയിപ്പ് നല്കിയിരുന്നു. ഹണി എം വര്ഗീസിന്റെ ഭൂതകാലം ചികഞ്ഞോളൂ. എന്നാല് കോടതിയുടെ നടപടികളെ മോശമാക്കുന്ന തരത്തില് റിപ്പോര്ട്ടിങ്ങ് ഉണ്ടായാല് കടുത്ത നടപടി സ്വീകരിക്കുമെന്ന് ജഡ്ജി ഹണി എം വര്ഗീസ് മാധ്യമങ്ങള്ക്ക് ശക്തമായ താക്കീത് നല്കിയിരുന്നു. സുപ്രീംകോടതി വിധി അനുസരിച്ചുള്ള കടുത്ത നടപടി ഉണ്ടാകുമെന്നാണ് കോടതി അഭിപ്രായപ്പെട്ടത്.
