ദേശീയപാത ആറുവരിയിൽ വികസിപ്പിക്കുന്നതിന്റെ ഭാഗമായി വടകര മണ്ഡലത്തിൽ ഉടലെടുക്കുന്ന പ്രശ്നങ്ങൾ പരിഹരിക്കാൻ ഷാഫി പറമ്പിൽ എംപിയുമായി കൂടിക്കാഴ്ച നടത്തുമെന്ന് കേന്ദ്ര ഉപരിതല ഗതാഗത വകുപ്പ് മന്ത്രി നിതിൻ ഗഡ്ഗരി ലോക്സഭയിൽ ഉറപ്പ് നൽകി. ദേശീയപാത വികസനത്തിന്റെ ഭാഗമായി നിലവിലുള്ള റോഡുകൾ കെട്ടിയടക്കുന്നതിനെതിരെയും പലയിടത്തും ഓവുചാലുകൾ ഇല്ലാത്ത വിഷയവും ഷാഫി പറമ്പിൽ എംപി ലോക്സഭയിൽ ഉന്നയിച്ചിരുന്നു.
വടകര ലോക്സഭാ മണ്ഡലത്തിലെ തിക്കോടി,നന്തി, അഴിയൂർ, പന്തലായനി, കൊയിലാണ്ടി അണേല റോഡ് എന്നിവിടങ്ങളിൽ അണ്ടർ പാസുകൾ അടിയന്തരമായി നിർമ്മിക്കണമെന്ന് എംപി ലോക്സഭയിൽ ആവശ്യപ്പെട്ടു. സ്കൂളുകളും കോളേജുകളിലേക്ക് ഉള്ള നൂറുകണക്കിന് വിദ്യാർഥികൾ അണ്ടർ പാസ് ഇല്ലാത്തതിനാൽ ബുദ്ധിമുട്ടുമൊന്നും അദ്ദേഹം ചൂണ്ടിക്കാട്ടി. പലയിടത്തും സർവീസ് റോഡുകൾക്ക് രണ്ടത്ര വീതിയില്ലാത്ത കാര്യവും എംപി ഉന്നയിച്ചു. ജനങ്ങൾക്ക് റോഡ് മുറിച്ച് പോകാൻ ആവശ്യമായ ഓവർ പാസുകളും നിർമ്മിക്കണമെന്ന് അദ്ദേഹം ആവശ്യപ്പെട്ടു. വിദ്യാലയങ്ങളും ജനങ്ങളുടെ പാർപ്പിടക കേന്ദ്രങ്ങളും കൂടുതലായും റോഡരികിലായതിനാൽ ദേശീയപാത വികസന പ്രവർത്തനങ്ങൾ സങ്കീർണമായാണ് കേരളത്തിൽ നടക്കുന്നതെന്നും കേന്ദ്ര മന്ത്രി പറഞ്ഞു. എന്നാലും പാത വികസനത്തിന്റെ പ്രശ്നങ്ങൾ പരിഹരിക്കാൻ എം പിയുമാരുമായി ചർച്ച നടത്തുമെന്ന് നിധിൻ ഗഡ്ഗരി ഉറപ്പുനൽകി.
