കോഴിക്കോട് : കെ .എസ് . ടി . എ കോഴിക്കോട് ജില്ലാ സമ്മേളനം ഡിസംബർ 14 ന് മീഞ്ചന്ത ഗവൺമെന്റ് ആർട്സ് ആൻ്റ് സയൻസ് കോളേജിൽ സംസ്ഥാന പ്രസിഡണ്ട് ഡി സുധീഷ് ഉദ്ഘാടനം ചെയ്യും. കേന്ദ്ര അവഗണനയ്ക്കെതിരെ പോരാടുക, നവ കേരളത്തിനായി അണിചേരുക എന്നതാണ് സമ്മേളന മുദ്രാവാക്യം. രാവിലെ 9 മണിക്ക് ജില്ലാ പ്രസിഡണ്ട് എൻ സന്തോഷ് കുമാർ പതാക ഉയർത്തുന്നതോടെ സമ്മേളന നടപടിക്രമങ്ങൾ ആരംഭിക്കും. 17 സബ് ജില്ലകളിൽ നിന്നായി 605 പ്രതിനിധികൾ പങ്കെടുക്കും.
സംഘാടകസമിതി ചെയർമാൻ ബാബു പറശ്ശേരി, സംസ്ഥാന സെക്രട്ടറി കെ രാഘവൻ, സംസ്ഥാന വൈ. പ്രസിഡണ്ട് കെ സി മഹേഷ് കുമാർ, സംസ്ഥാന എക്സിക്യൂട്ടീവ് കമ്മിറ്റി അംഗങ്ങളായ ആർ കെ ബിനു, വി പി രാജീവൻ, പി എസ് സ്മിജ,കെ ഷാജിമ എന്നിവർ ഉദ്ഘാടന സമ്മേളനത്തിൽ പങ്കെടുക്കും. ഫെബ്രുവരി 14, 15,16 തീയതികളിലായി കോഴിക്കോട് വെച്ചാണ് സംസ്ഥാന സമ്മേളനം ചേരുന്നത്.
