സംസ്ഥാനം ക്രിസ്മസ്, നവവത്സര ആഘോഷത്തിനുള്ള തയ്യാറെടുപ്പിലാണ്. ആഘോഷങ്ങളുടെ ഭാഗമായി വൈദ്യുത ദീപാലങ്കാരം നടത്തുമ്പോള് തികഞ്ഞ ജാഗ്രത പുലര്ത്തണമെന്ന് കെ.എസ്.ഇ.ബി മുന്നറിയിപ്പ് നല്കുന്നു. ഗുണമേന്മ കുറഞ്ഞ പ്ലാസ്റ്റിക് ഇന്സുലേറ്റഡ് വയറുകള് ഒഴിവാക്കുകയും ഗുണനിലവാരമുള്ള വയറുകളും അനുബന്ധ ഉപകരണങ്ങളും മാത്രമാണ് ഉപയോഗിക്കുന്നതെന്ന് ഉറപ്പുവരുത്തുകയും വേണമെന്ന് കെ.എസ്.ഇ.ബി
ഓര്മ്മിപ്പിക്കുന്നു. ലോഹനിര്മിതമായ പ്രതലങ്ങളില് സുരക്ഷാ മാനദണ്ഡങ്ങള് പാലിച്ച് മാത്രം ദീപാലങ്കാരം നടത്തുക എന്നും കെ.എസ്.ഇ.ബി ഫെയ്സ്ബുക്ക് കുറിപ്പിലൂടെ വ്യക്തമാക്കുന്നു. പ്ലഗ്, സ്വിച്ച് എന്നിവ ഉപയോഗിച്ച് മാത്രം വൈദ്യുത കണക്ഷന് എടുക്കുക. വയര് നേരിട്ട് പ്ലഗ് സോക്കറ്റില് കുത്തരുത്. വയറില് മൊട്ടുസൂചി/സേഫ്റ്റി പിന് കുത്തി കണക്ഷന് എടുക്കരുത്. വയര് ജോയിന്റുകള് ശരിയായ തരത്തില് ഇന്സുലേറ്റ് ചെയ്തു എന്ന് ഉറപ്പാക്കുക. ELCB/RCCB പ്രവര്ത്തനക്ഷമമാണെന്ന് ഉറപ്പുവരുത്തണമെന്നും കെഎസ്ഇബി ഓര്മ്മിപ്പിക്കുന്നു.
ഫെയ്സ് ബുക്ക് കുറിപ്പിന്റെ പൂര്ണ രൂപം:
ക്രിസ്മസ് നവവത്സര ആഘോഷങ്ങളുടെ ഭാഗമായി വൈദ്യുത ദീപാലങ്കാരം നടത്തുമ്പോള് തികഞ്ഞ ജാഗ്രത പുലര്ത്താം.
ഗുണമേന്മ കുറഞ്ഞ പ്ലാസ്റ്റിക് ഇന്സുലേറ്റഡ് വയറുകള് ഒഴിവാക്കുക.
ഗുണനിലവാരമുള്ള വയറുകളും അനുബന്ധ ഉപകരണങ്ങളും മാത്രം ഉപയോഗിക്കുക.
ലോഹനിര്മിതമായ പ്രതലങ്ങളില് സുരക്ഷാ മാനദണ്ഡങ്ങള് പാലിച്ച് മാത്രം ദീപാലങ്കാരം നടത്തുക.
പ്ലഗ്, സ്വിച്ച് എന്നിവ ഉപയോഗിച്ച് മാത്രം വൈദ്യുത കണക്ഷന് എടുക്കുക, വയര് നേരിട്ട് പ്ലഗ് സോക്കറ്റില് കുത്തരുത്.
വയറില് മൊട്ടുസൂചി/സേഫ്റ്റി പിന് കുത്തി കണക്ഷനെടുക്കരുത്.
വയര് ജോയിന്റുകള് ശരിയായ തരത്തില് ഇന്സുലേറ്റ് ചെയ്തു എന്ന് ഉറപ്പാക്കുക.
ELCB/RCCB പ്രവര്ത്തനക്ഷമമാണെന്ന് ഉറപ്പുവരുത്തുക.
ആനന്ദഭരിതമായ ആഘോഷ വേളകള് കണ്ണീരില് കുതിരാതിരിക്കട്ടെ.
