റേഷൻ കാർഡ് ഉടമകളിൽ നിന്നും മുൻഗണന വിഭാഗത്തിലേക്ക് റേഷൻ കാർഡുകൾ തരം മാറ്റുന്നതിനായി ഓൺലൈനായി അപേക്ഷകൾ ക്ഷണിച്ചു തുടങ്ങി. ആയിരം സ്ക്വയർ ഫീറ്റ് വീട് സ്വന്തമായുള്ളവർ, ഒരേക്കർ ഭൂമി സ്വന്തമായുള്ളവർ, സർക്കാർ/ അർദ്ധസർക്കാർ/ സഹകരണ മേഖല എന്നിവയിൽ ജോലിയുള്ളവർ, ആദായനികുതി കൊടുക്കുന്നവർ, പ്രതിമാസം 25000 രൂപക്ക് മുകളിൽ വരുമാനം ഉള്ളവർ, നാലു ചക്രവാഹനം സ്വന്തമായി ഉള്ളവർ, എന്നിങ്ങനെയുള്ള മുൻഗണന മാനദണ്ഡങ്ങൾ ഉൾപ്പെട്ടു വരാത്ത റേഷൻ കാർഡ് ഉടമകൾക്ക് മതിയായ രേഖകൾ സഹിതം ഓൺലൈനായി 2024 നവംബർ 25 മുതൽ ഡിസംബർ 10 വരെ അപേക്ഷകൾ സമർപ്പിക്കാവുന്നതാണ്.
വീടിൻ്റെ ചുറ്റളവ് കാണിക്കുന്ന പഞ്ചായത്ത് സെക്രട്ടറിയുടെ സർട്ടിഫിക്കറ്റ്, മാരകരോഗമോ മറ്റ് ശാരീരിക മാനസിക പരിമിതികളോ ഉള്ള വ്യക്തികൾ ഉൾപ്പെട്ടിട്ടുണ്ടെങ്കിൽ ആയത് തെളിയിക്കുന്ന മെഡിക്കൽ സർട്ടിഫിക്കറ്റ്, തുടങ്ങിയ അപേക്ഷയിൽ അവകാശപ്പെടുന്ന കാര്യങ്ങൾ തെളിയിക്കുന്നതിന് ആവശ്യമായ സർട്ടിഫിക്കറ്റുകളും അപേക്ഷയോടൊപ്പം സമർപ്പിക്കേണ്ടതാണെന്ന് താലൂക്ക് സപ്ലൈ ഓഫീസർ ചന്ദ്രൻ കുഞ്ഞിപറമ്പത്ത് അറിയിച്ചു.
