ബാലുശ്ശേരിയിൽ ജാസ്മിൻ ആർട്സ് സംഘടിപ്പിച്ച ജയൻ അനുസ്മരണവും സീനിയർ നടി കുട്ട്യേടത്തി വിലാസിനിയെ ആദരിക്കലും ജി.എൽ.പി സ്കൂളിൽ നടന്നു. ജയൻ അഭിനയിച്ച നായാട്ട് എന്ന സിനിമ പ്രദർശിപ്പിച്ചു. ജയൻ അഭിനയിച്ച വിവിധ ചിത്രങ്ങളിലെ രംഗങ്ങൾ ഉൾപ്പെടുത്തി തയാറാക്കിയ Know Your Hero എന്ന ഹ്രസ്വചിത്രവും നടി കുട്ട്യേടത്തി വിലാസിനി അഭിനയച്ച സിനിമകളിലെ ചില രംഗങ്ങളും പ്രദർശിപ്പിച്ചു. ഗ്രാമ പഞ്ചായത്ത് വൈസ് പ്രസിഡണ്ട് അസൈനാർ എമ്മച്ചം കണ്ടി ഉദ്ഘാടനം ചെയ്തു. കുട്ട്യേടത്തി വിലാസിനിക്ക് ദിയാ ഗോൾഡ് ആൻ്റ് ഡയമണ്ട്സ് ബാലുശ്ശേരിയുടെ ഉപഹാരം ജനറൽ മാനേജർ ടി.എം.സുകുമാരൻ നൽകി. ജാസ്മിൻ ആർട്സിന് വേണ്ടി പത്മനാഭൻ ‘ധന്യ ‘ പൊന്നാടയണിയിച്ചു. മോഹനൻ എ.പി, പ്രകാശ്കരുമല, മങ്കയം രാഘവൻ, എം.പ്രേമ എന്നിവർ സംസാരിച്ചു.
