സിബിഎസ്ഇ 10, 12 ക്ലാസുകളിലെ പരീക്ഷാത്തീയതി പ്രഖ്യാപിച്ചു. സെൻട്രൽ ബോർഡ് ഓഫ് സെക്കൻഡറി എജ്യൂക്കേഷൻ (സിബിഎസ്ഇ) പത്താം ക്ലാസ് പരീക്ഷ മാർച്ച് 18-നും 12-ാം ക്ലാസ് പരീക്ഷ ഏപ്രിൽ 4-നും അവസാനിക്കും.
രാവിലെ 10.30-നാണ് പരീക്ഷ തുടങ്ങുന്നത്. ജെ.ഇ.ഇ അടക്കം വിവിധ മത്സര പരീക്ഷകളുടെ ക്രമം വിലയിരുത്തിയാണ് ടൈംടേബിള് തീരുമാനിച്ചിരിക്കുന്നതെന്ന് സിബിഎസ്ഇ അറിയിച്ചു.
പരീക്ഷാ തയ്യാറെടുപ്പുകൾക്കായി കൂടുതൽ സമയം ലഭിക്കുന്നതിനാണ് നേരത്തെ തീയതി പ്രഖ്യാപിച്ചതെന്ന് സിബിഎസ്ഇ വ്യക്തമാക്കി. പരീക്ഷാത്തീയതിയുടെ കൂടുതൽ വിവരങ്ങൾ cbse.gov.in എന്ന വെബ്സൈറ്റിൽനിന്ന് ഡൗൺലോഡ് ചെയ്യാവുന്നതാണ്.
