എഡിഎം കെ നവീന് ബാബുവിന്റെ മരണവുമായി ബന്ധപ്പെട്ട കേസില് കണ്ണൂര് ജില്ലാ പഞ്ചായത്ത് മുന് പ്രസിഡന്റ് പി പി ദിവ്യയ്ക്ക് ജാമ്യം. തലശ്ശേരി പ്രിന്സിപ്പല് സെഷന്സ് കോടതി ജഡ്ജ് നിസാര് അഹമ്മദ് ആണ് വിധി പ്രസ്താവിച്ചത്. റിമാന്ഡിലായി 11 ദിവത്തിന് ശേഷമാണ് ദിവ്യ ജയിലിന് പുറത്തിറങ്ങുന്നത്.
എഡിഎമ്മിന്റെ മരണത്തില് ആത്മഹത്യാപ്രേരണാക്കുറ്റം ചുമത്തിയ ദിവ്യയെ ഒക്ടോബര് 29-നാണ് പൊലീസ് അറസ്റ്റ് ചെയ്തത്. മുന്കൂര് ജാമ്യാപേക്ഷ കോടതി തള്ളിയതിനെത്തുടര്ന്ന് പൊലീസിന് മുമ്പാകെ കീഴടങ്ങുകയായിരുന്നു. 11 ദിവസമായി ദിവ്യ കണ്ണൂര് വനിതാ ജയിലില് റിമാന്ഡിലാണ്.
