മാലിന്യമുക്തം നവകേരളം രണ്ടാംഘട്ട ക്യാമ്പയിൻ ജനകീയമായി നടത്തുന്നതിന്റെ ഭാഗമായി കൊയിലാണ്ടി നഗരസഭ തല നിർവഹണ സമിതി രൂപീകരിച്ചു. 2024 ഒക്ടോബർ 2 ഗാന്ധിജയന്തി ദിനം മുതൽ 2025 മാർച്ച് 30 സീറോ വേസ്റ്റ് ദിനം വരെ നീണ്ടുനിൽക്കുന്ന രണ്ടാംഘട്ട പ്രവർത്തനങ്ങളിൽ മാലിന്യ പരിപാലനത്തിൽ സുസ്ഥിരത കൈവരിക്കാനും സമ്പൂർണ്ണമാക്കാനുമാണ് ലക്ഷ്യമിടുന്നത്. നിർവഹണ സമിതി യോഗം നഗരസഭാ ചെയർപേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു. ഹരിത കേരള മിഷൻ ജില്ലാ കോ- ഓർഡിനേറ്റർ പി.ടി പ്രസാദ് ക്യാമ്പയിൻ അവതരണം നടത്തി.
നഗരസഭകൾ വൈസ് ചെയർമാൻ അഡ്വ. കെ.സത്യൻ നഗരസഭ തല പദ്ധതി അവതരിപ്പിച്ചു.
കൃത്യമായ അജൈവ-ജൈവമാലിന്യ സംസ്കരണ സംവിധാന ഒരുക്കുക, ഹരിത കർമ്മസേനയെ ശക്തി പ്പെടുത്തുക, ശുചിത്വ സുന്ദരമായ ടൗണുകൾ പാതയോരങ്ങൾ, മാലിന്യമുക്തമായ ജലസ്രോതസ്സുകൾ, ഹരിത അയൽകൂട്ടങ്ങൾ, ഹരിത റസിഡൻസുകൾ,ഹരിത വിദ്യാലയങ്ങൾ,ഹരിത അങ്കണവാടികൾ,ഹരിത ഓഫീസുകൾ,ഹരിത ടൂറിസം കേന്ദ്രങ്ങൾ എന്നിങ്ങനെയാണ് പരിപാടിയിൽ ലക്ഷ്യമിടുന്നത്.
മാലിന്യ പരിപാലനത്തിന് വിരുദ്ധമായി പ്രവൃത്തിക്കുന്നവർക്കെതിരെ നിയമനടപടികൾ സ്വീകരിക്കും. സമ്പൂർണ്ണ മാലിന്യ മുക്ത നഗരസഭയായി പ്രഖ്യാപിക്കുന്നതിന് 180 ദിവസത്തെ കർമ്മ പരിപാടിയാണ് നഗരസഭ ആസൂത്രണം ചെയ്യുന്നത്. നഗരസഭ തല നിർവഹണസമിതി കൃത്യമായ ഇടവേളകളിൽ ചേർന്ന് കർമ്മപരിപാടിയുടെ പുരോഗതി അവലോകനം നടത്തും.
ആരോഗ്യ സ്ഥിരം സമിതി ചെയർപേഴ്സൻ സി. പ്രജില യോഗത്തിൽ അധ്യക്ഷത വഹിച്ചു. നഗരസഭ സ്ഥിരം സമിതി അധ്യക്ഷൻമാരായ കെ. ഇ. ഇന്ദിര, കെ. ഷിജു. ഇ കെ അജിത്ത്, നിജില പറവക്കൊടി കൗൺസിലർമാരായ പി. രക്നവല്ലി . വി.പി ഇബ്രാഹിം കുട്ടി, കെ. കെ. വൈശാഖ് വിവിധ സംഘടനകളെ പ്രതിനീധീകരിച്ച് എൻകെ ഭാസ്ക്കരൻ, അഡ്വ.കെ.വിജയൻ. പി. കെ. വിശ്വനാഥൻ, ഇ എസ് രാജൻ അഡ്വ. ടി.കെ. രാധാകൃഷ്ണൻ സിനിയർ പബ്ലിക് ഹെൽത്ത്
ഇൻസ്പെക്ടർ കെ. റിഷാദ് മാലിന്യമുക്ത പ്രതിജ്ഞ ചൊല്ലി കൊടുത്തു.
നഗരസഭ സെക്രട്ടറി ഇന്ദു എസ് ശങ്കരി KAS സ്വാഗതവും ക്ലീൻ സിറ്റി മാനേജർ ടി.കെ. സതീഷ്കുമാർ നന്ദിയും പറഞ്ഞു.
കൗൺസിലർമാർ, ഹരിത കേരള മിഷൻ ആർ.പി,ശുചിത്വ മിഷൻ, കെ എസ് ഡബ്ല്യു എം.പി എഞ്ചിനിയർ, ഉദ്യോഗസ്ഥർ,വിവിധ രാഷ്ട്രീയപാർട്ടി പ്രതിനിധികൾ,യുവജന -വിദ്യാർത്ഥി -മഹിളാ സംഘടന പ്രതിനിധികൾ,വ്യാപാരി വ്യവസായി സംഘടന പ്രതിനിധികൾ, റെസിഡൻസ് അസോസിയേഷൻ പ്രതിനിധികൾ,ഘടക സ്ഥാപന ഉദ്യോഗസ്ഥർ ഹരിത കർമ്മ സേന ഭാരവാഹികൾ,ആശാവർക്കർമാർ,നഗരസഭാ ഉദ്യോഗസ്ഥർ എന്നിവർ യോഗത്തിൽ പങ്കെടുത്തു.
