കേരളത്തെ തകർക്കുന്ന കേന്ദ്ര സര്ക്കാർ നയങ്ങൾ തിരുത്തുക,കേരള സർക്കാരിൻ്റെ ജനപക്ഷ ബദൽ നയങ്ങൾ ശക്തിപ്പെടുത്തുക, പി എഫ്. ആർ .ഡി .എ .നിയമം പിൻവലിക്കുക, നിർവചിക്കപ്പെട്ട ആനുകൂല്യം ഉറപ്പാക്കുന്ന പെൻഷൻ പദ്ധതി നടപ്പിലാക്കുക തുടങ്ങിയ മുദ്രാവാക്യങ്ങൾ ഉയർത്തിപ്പിടിച്ചുകൊണ്ട് കേരള എൻ.ജി.ഒ.യൂണിയൻ മേഖലാ മാർച്ചും ധർണ്ണയും സംഘടിപ്പിച്ചു. കൊയിലാണ്ടി മിനി സിവിൽ സ്റ്റേഷനിൽ വെച്ച് നടന്ന പരിപാടിയിൽ കോഴിക്കോട് ജില്ലാ ജോയിൻ്റ് സെക്രട്ടറി സ.കേ.രാജേഷ് സ്വാഗതം പറഞ്ഞു സംസ്ഥാന കമ്മിറ്റി അംഗം സ. എ. പി.മധുസൂദനൻ ഉദ്ഘാടനം നിർവഹിച്ചു. ജില്ലാ വൈസ് പ്രസിഡൻ്റ് സ. വി . വിനീജ അധ്യക്ഷത വഹിച്ചു. ജില്ലാ സെക്രട്ടറിയേറ്റ് അംഗങ്ങളായ സ. കേ .മിനി സ.കെ. കെ ബാബു, ജില്ലാ കമ്മിറ്റി അംഗങ്ങളായ സി.ജി . സജിൽ കുമാർ, എക്സ് .ക്രിസ്റ്റി ദാസ്, യു.ഷീന,സംസ്ഥാന കൗൺസിൽ അംഗങ്ങൾ ആയ കെ .ബൈജു, മോനിഷ എന്നിവർ നേതൃത്വം നൽകി.
