കൊയിലാണ്ടി: കോരപ്പുഴ പാലത്തിൽ നിന്നും പുഴയിൽ ചാടിയ യുവാവിൻ്റെ മൃതദേഹം കണ്ണൻകടവ് ബീച്ചിൽ കണ്ടെത്തി. വടകര കോട്ടപ്പള്ളി കള്ളി ലാത്ത് ബിജിഷ് (45) ആണ് മരിച്ചത്. ശനിയാഴ്ച വൈകുന്നേരം മൂന്നരയോടെയാണ് കോരപ്പുഴ പാലത്തിൽ നിന്നും ഇയാൾ പുഴയിലേക്ക് ചാടിയത്. പാലത്തിൽ നിന്നും ഇയാളുടേതെന്ന് സംശയിക്കുന്ന ബാഗ് പൊലീസ് കണ്ടെടുത്തിരുന്നു. ഡേലിവറി ബോയ് ആണ് പാലത്തിലേക്ക് ഒരാൾ ചാടുന്നത് കണ്ടതായി വിവരം നൽകിയത്. തുടർന്ന് നാട്ടുകാർ പൊലീസിൽ വിവരം അറിയിക്കുകയായിരുന്നു. കോഴിക്കോട് ബീച്ച് ഫയർഫോഴ്സും എലത്തൂർ പൊലീസും പ്രദേശത്ത് തിരച്ചിൽ നടത്തുന്നതിനിടെയാണ് കണ്ണൻകടവ് ബീച്ചിൽ മൃതദേഹം കണ്ടത്.
കൊയിലാണ്ടി പൊലീസ് സ്ഥലത്തെത്തി മൃതദേഹം കോഴിക്കോട് മെഡിക്കൽ കോളേജ് മോർച്ചറിയിലേക്ക് മാറ്റി.
അച്ഛൻ : ഭാസ്ക്കരൻ, അമ്മ: രാധ. ഭാര്യ: നിഷ. മകൾ: അനാമിക സഹോദരി ബിന്ദു.
