ജി വി എച് എസ് എസ് താമരശ്ശേരിക്ക് ജില്ലാ പഞ്ചായത്ത് നിർമ്മിച്ച് നൽകിയ കെട്ടിടം ഉദ്ഘാടനം ചെയ്തു

താമരശ്ശേരി : ജി വി എച് എസ് എസ് താമരശ്ശേരിക്ക് ജില്ലാ പഞ്ചായത്ത് നിർമ്മിച്ച് നൽകിയ 5 ക്ലാസ് മുറികൾ ഉള്ള കെട്ടിടം ജില്ലാ പഞ്ചായത്ത് പ്രസിഡന്റ് ശ്രീമതി ഷീജ ശശി ഉദ്ഘാടനം ചെയ്തു . ചടങ്ങിൽ ജില്ലാ പഞ്ചായത്ത് മെമ്പർ റംസീന നരിക്കുനി അധ്യക്ഷയായി. താമരശ്ശേരി പഞ്ചായത്ത് പ്രസിഡന്റ് ശ്രീ അരവിന്ദൻ മുഖ്യാഥിതിയായി പങ്കെടുത്തു .

താമരശ്ശേരി പഞ്ചായത്ത് മെമ്പർ ഫസീല ഹബീബ്,ഹയർ സെക്കണ്ടറി പ്രിൻസിപ്പൽമാരായ മഞ്ജുള യു ബി , ഉമ്മുകുൽസു ഒ ,ഹെഡ്മാസ്റ്റർ പി ടി മുഹമ്മദ് ബഷീർ, എസ് എം സി ചെയർമാൻ നൗഷാദ് സി കെ , പി ടി എ വൈസ് പ്രസിഡന്റ് വിനോദൻ എം , എസ് എം സി വൈസ് ചെയർമാൻ ഹബീബ് റഹ്മാൻ എ പി എന്നിവർ ആശംസ അറിയിച്ചു . പി ടി എ പ്രസിഡന്റ് അഷ്‌റഫ് കോരങ്ങാട് സ്വാഗതം പറഞ്ഞ യോഗത്തിൽ സീനിയർ അസിസ്റ്റന്റ് സജന ശ്രീധരൻ നന്ദി രേഖപ്പെടുത്തി.