കൊയിലാണ്ടി: വടകര ലോക്സഭാ മണ്ഡലത്തില് വലിയ ഭൂരിപക്ഷത്തോടെ വിജയിച്ച യൂ.ഡി.എഫ് സ്ഥാനാര്ത്ഥി ഷാഫി പറമ്പിലിന് കൊയിലാണ്ടി മണ്ഡലത്തില് ആവേശകരമായ വരവേല്പ്പ്. കൊയിലാണ്ടി മണ്ഡലത്തിന്റെ അതിര്ത്തിയായ കോരപ്പുഴയില് വൈകീട്ടെത്തിയ ഷാഫിയെ നേതാക്കളും പ്രവര്ത്തകരും ഹാരമണിയിച്ച് വരവേറ്റു. തുടര്ന്ന് തുറന്ന വാഹനത്തിലായിരുന്നു യാത്ര. ഡി.സി.സി പ്രസിഡന്റ് അഡ്വ.കെ.പ്രവീണ് കുമാര്,യൂ.ഡി.എഫ് തിരഞ്ഞെടുപ്പ് കമ്മിറ്റി ചെയര്മാന് പാറക്കല് അബ്ദുളള,മറ്റ് യൂ.ഡി.എഫ് നേതാക്കള് എന്നിവര് തുറന്ന വാഹനത്തില് ഷാഫിയോടൊപ്പം ഉണ്ടായിരുന്നു. നൂറ് കണക്കിന് പ്രവര്ത്തകര് ഇരുചക്രവാഹനങ്ങളിലും അനുഗമിച്ചു.
